Ha'u foin haree iha telejornál RTTL nian reportajen ida ne'ebé sira filma ohin ke hatudu sala balu nakonu ho labarik iha Eskola S. José iha Balide. Responsavel ida husi eskola ne'e esplika katak nia ta'uk, hanesan estudante sira no ema hotu-hotu, maibé nia hanoin katak di'ak liu pasa tempu iha atividade pozitiva duké iha de'it atitude negativa. Nia hatutan katak objetivu ida husi eskola maka hanorin labarik sira ne'ebé atu sai na'i-ulun nasaun nian aban-bainrua no katak na'i-ulun sira labele ta'uk-teen.
Sinál ida katak iha-ne'e mós “maski iha kalan triste liu/ iha tempu atan nian/ sempre iha ema ruma ne’ebé reziste/ sempre iha ema ruma ne’ebé dehan lae” (hanesan uluk poeta portugés Manuel Alegre hakerek no Adriano Correia de Oliveira hananu). Timoroan barak lakohi pasa fulan hirak oinmai tuur hela iha estrada ninin de'it hodi haree karreta-blindadu australianu sira-nian liu bá-mai.
Sem comentários:
Enviar um comentário